پاکستان اور سعودیہ کے مابین ہونیوالے معاہدوں، یادداشتوں کی تفصیلات جاری

 اسلام آباد ( 92 نیوز) پاکستان اور سعودیہ کے مابین ہونیوالے معاہدوں اور یادداشتوں کی تفصیلات جاری کر دی گئیں ۔
سعودی ولی عہد شہزادہ محمد بن سلمان کل دورہ پاکستان پر پہنچیں گے ،  اس موقع پر دونوں ممالک کے مابین  متعدد معاہدے کئے جائیں گے جب کہ  یاد داشتوں پر دستخط  بھی کئے جائیں گے ۔
وزارت خارجہ نے معاہدوں اور یاد داشتوں کی تفصیلات جاری کر دیں ، ترجمان دفترخارجہ کے مطابق ’’ پاکستان ، سعودی عرب ‘‘ سپریم کوآرڈینیشن کونسل کے قیام ک افیصلہ کیا گیا ہے جو مشترکہ مقاصد اور اہداف کے حصول پر کام کرے گی ۔
کونسل کی سربراہی سعودی ولی عہد شہزادہ محمد بن سلمان  اور وزیر اعظم پاکستان عمران خان  کریں گے۔
ترجمان دفترخارجہ ڈاکٹر فیصل کے مطابق دونوں ممالک کے درمیان ذرائع ابلاغ ، ثقافت اور اطلاعات کے شعبے میں ایگزیکٹو پروگرا م پر دستخط ہوں گے ، پروگرامز کا مقصد باہمی  تعلقات کا فروغ اور استحکام ہے ۔
دونوں ممالک کے مابین ترقی نوجوانان، کھیلوں کے فروغ، منشیات و سمگلنگ کی روک تھام ،معدنی وسائل ، متبادل ذرائع توانائی  اور باہمی تجارت کے فروغ  کیلئے تکنیکی تعاون اور رکاوٹوں کے خاتمے کےمعاہدوں پر بھی سائن ہوں گے ۔

92 News Source