لاہور سمیت پنجاب کے اسکولوں میں سرما کی چھٹیاں ختم
لاہور سمیت
پنجاب کے اسکولوں میں سرما کی چھٹیاں ختملاہور: (7 جنوری 2019) پنجاب بھر
میں موسم سرما کی چھٹیاں ختم ہونے کے بعد سرکاری و نجی تعلیمی اداروں میں
تدریسی عمل شروع ہو گیا۔ تاہم پہلے روز سکولوں میں طلبا کی حاضری معمول سے
انتہائی کم رہی۔لاہورسمیت پنجاب بھر کے تمام سرکاری اور نجی تعلیمی ادارے
کھل گئے۔
سردی کی شدت اور ہلکی دھند کے باعث پہلے روز بچوں کی کم تعداد نے
ہی اسکولوں کا رخ کیا۔ دو ہفتے کی چھٹیوں کے بعد طلبا میں ملا جلا رد عمل
دیکھنے میں آیا۔ کچھ تو تدریسی عمل شروع ہونے پر خوش نظر آئے تو کچھ سردی
کی شدت سے پریشان۔پنجاب کے تعلیمی اداروں میں اکتیس دسمبر کو موسم سرما کی
چھٹیاں ختم ہونا تھیں۔ تاہم سردی کی شدت کے باعث طلبا کو موسمی بیماریوں سے
محفوظ رکھنے کیلئے چھٹیوں میں چھ جنوری تک توسیع کی گئی تھی۔
No comments:
Post a Comment