پی ایس ایل4،پہلامیچ اسلام آبادیونائیٹڈکےنام

پی ایس ایل4،پہلامیچ اسلام آبادیونائیٹڈکےنام

 
دبئی (24نیوز) پی ایس ایل 4 کے افتتاحی میچ میں لاہور قلندرز نے اسلام آباد یونائیٹڈ کو 172 رنز کا ٹارگٹ دے دیا ،اسلام آباد یونائیٹڈ  نےہدف آخری اوور میں حاصل کرلیا۔
پی ایس ایل 4 کے افتتاحی میچ میں لاہور قلندرز نے اسلام آباد یونائیٹڈ کو 172 رنز کا ٹارگٹ دے دیا ،دبئی کے انٹرنیشنل اسٹیڈیم میں کھیلے جانے والے میچ میں اسلام آباد یونائیٹڈ کے کپتان محمدسمیع نے ٹاس جیت کر لاہور قلندرز کو بیٹنگ کرنے کی دعوت دی۔ کپتان محمد حفیظ کاکہنا ہے کہ وہ اچھا ہدف دینے کی کوشش کریں گے۔  پی ایس ایل کے افتتاحی میچ میں لاہور قلندرزنےشاندار بیٹنگ کی۔اوپنر بیٹسمین فخر زمان نے شاندار 65 اور سہیل اختر نے 37رنز بنائے۔
اس کے بعد دنیائے کرکٹ کے مایہ ناز بیٹسمین اے بی ڈویلیئرز کریز پر آئے، وہ 24 رنز بنا کر آؤٹ ہوئے۔ اس کے بعد لاہور قلندرز کی بیٹنگ لائن سنبھل نہ سکی اور وقتا فوقتا کھلاڑی آؤٹ ہوتے گئے۔اور پوری ٹیم172 رنز پر آؤٹ ہوگئی۔
اسلام آباد یونائیٹڈ کی بیٹنگ شروع ہوئی تو لاہور قلندرز کے بالر راحت علی نے اسلام آباد یونائیٹڈ پر قیامت ڈھادی اور چار کھلاڑیوں کو کیچ آؤٹ کراکے پویلین روانہ کردیا,اسلام آباد یونائیٹڈ کی پانچویں وکٹ 118 کے اسکور پر گری، حسین طلعت 37 رنز بناکر بریتھ ویٹ کی گیند پر راحت علی کے ہاتھوں کیچ آؤٹ ہوگئے,اسلام آباد یونائیٹڈ نے 172 رنز کا ہدف چار بالز قبل ہی حاصل کرلیا اور اضافی رنز بناتے ہوئے 177 رنز اسکور کرکے فتح سمیٹ لی۔ آصف علی اور فہیم اشرف بالترتیب 36 اور 23 رنز کے ساتھ ناٹ آؤٹ رہے۔

24News Source