کپل شرما اپنے شو کی ایک قسط کا کتنا معاوضہ لیتے ہیں؟

 

 

معروف کامیڈین کپل شرما طویل وقفے کے بعد گزشتہ ماہ ٹی وی اسکرین پر ایک بار پھر اپنے شو دی کپل شرما شو کے ذریعے واپس لوٹ آئے ہیں۔
اس شو کے سیکنڈ سیزن کے کو پروڈیوسر سلمان خان ہیں جو حال ہی میں بگ باس سیزن 12 کی میزبانی سے فارغ ہوئے ہیں۔
مگر سوال یہ ہے کہ کپل شرما کو اس شو کی میزبانی پر فی قسط کتنا معاوضہ دیا جارہا ہے؟

گزشتہ دنوں ایسی سامنے آئی تھیں کہ گزشتہ سال میں کامیڈین کی مشکلات اور ٹی وی شوز کی ناکامی پر ان کے معاوضے میں نمایاں کٹوتی کی گئی ہے۔
تاہم کپل شرما کی ٹیم میں نئے شامل ہونے والے کرشنا ابھیشیک نے اس رپورٹس کو مسترد کردیا ہے۔
رپورٹس میں بتایا گیا تھا کہ اگر پہلے کپل شرما کو فی قسط 60 سے 70 لاکھ بھارتی روپے معاوضہ دیا جارہا تھا تو اب وہ کٹوتی کے بعد 20 لاکھ فی قسط ہوگیا ہے۔
A post shared by (@sonytvofficial) on Dec 15, 2018 at 9:45am PSTکرشنا ابھیشیک نے بتایا کہ سلمان خان بہت سخی پروڈیوسر ہیں اور وہ کسی قسم کی کٹوتی کی منصوبہ بندی نہیں کررہے ' معاوضے میں کٹوتی کی افواہیں غلط ہیں، ہمیں طے شدہ معاوضہ دیا جارہا ہے اور ہم اکھٹے کام کرکے بہت خوش ہیں، ہمارے لیے پیسہ ثانوی حیثیت رکھتا ہے، حقیقت تو یہ ہے کہ دی کپل شرما شو ملک کا سب سے بڑا کامیڈی شو ہے'۔
حالیہ رپورٹس میں اس شو کو نشر کرنے والے چینیل کے ذرائع کے حوالے سے بتایا گیا تھا کہ یہ وقت ہی بتائے گا کہ شو کا سیکنڈ سیزن کامیاب ہوتا ہے یا نہیں، ہمیں شو کے لیے اچھی اسپانسر شپ ملی ہے جبکہ سوشل میڈیا پر ردعمل بھی کافی اچھا ہے، پروڈیوسرز نے کسی بھی سطح پر کٹوتی نہیں کی ہے۔
ابھی یہ دیکھنا ہوگا کہ یہ شو مداحوں کی توقعات پر کس حد تک پورا اترتا ہے کیونکہ ایک بار شو بند ہونے کے بعد جب دوبارہ شروع کیا گیا تو کپل شرما کی بیماری اور دیگر وجوہات کی بناءپر اسے دوبارہ بند کرنا پڑا تھا۔
اس شو کی پہلی قسط میں رنویر سنگھ، سارہ علی خان اور ڈائریکٹر روہت شیٹھی نے شرکت کی تھی جبکہ گزشتہ دنوں نشر ہونے والی قسط میں سلمان خان نے اپنے بھائیوں ارباز خان، سہیل خان اور والد سلیم خان کے ساتھ شرکت کی۔
View this post on Instagram Watch “Salim khan & sons” tonight 9:30 pm in #tkss @SonyTV thank u @luvsalimkhan sahib @BeingSalmanKhan bhai @arbaazSkhan bhai n @SohailKhan bhai. U guys made it very special n memorable with ur presence. Salim sahib u were amazing.Warning:- don’t miss it 🤗 love u all 😘 A post shared by Kapil Sharma (@kapilsharma) on Jan 5, 2019 at 4:01am PSTخیال رہے کہ 2017 اور 18 میں سامنے آنے والی مشکلات نے ان کی شخصیت کو بری طرح متاثر کیا تھا اور ان کی شخصیت بدل کر رہ گئی تھی۔
گزشتہ سال سال جون میں کپل شرما کی ایسی تصاویر سامنے آئی تھیں جس نے ان کے مداحوں کو پریشان کردیا تھا۔
فوٹو بشکریہ ہندوستان ٹائمزکپل شرما اس وقت تک ٹی وی اسکرین پر حکمرانی کرتے رہے، جب تک ان کے ساتھی کامیڈین سنیل گروور سے ایک پرواز کے دوران لڑائی نہیں ہوگئی۔
کپل شرما اور سنیل گروور کے درمیان جہاز میں ہوا کیا؟
مختلف رپورٹس کے بعد کیرئیر میں آنے والی مشکلات، ڈپریشن، الکحل کی لت اور غیر پیشہ ورانہ رویے نے ان کی شخصیت کو بری طرح متاثر کیا۔
جنوری 2017 میں سنیل گروور سے لڑائی کے بعد ان کا زوال شروع ہوا اور پہلے ان کا شو کپل شرما شو بند ہوا، جس کے بعد انہوں نے خرابی صحت کی بناءپر وقفہ بھی لیا۔ DAWN NEWS SOURCE